Bakit?

November 03, 2010    

"Bakit?"

Hindi ko maintindihan? Nakatulala ako habang iniisip kung bakit? Ito ang ating palaging tanong, "bakit?". Napapahawak ako sa aking ulo, nag-iisip. Ako ay isang taong may pinag-aralan. Lumaki ako sa buhay na tama lang. Lumaki akong di nakita ng personal at naramdaman ang pagmamahal ng aking tunay na ama, amgkaganoon man, ipinaramdam naman sa akin iyon ng aking pangalawang ama. Namumuhay ako sa buhay at mundong ako lang ang tanging nakakaintindi. Bakit ganoon ang trato nila sa'kin? Kakaiba at may halong galit? Wala akong alam sa nangyayari kung bakit ganoon sila, ang alam ko lang, dumadaplis ang sakit at kirot na dulot nito sa aking puso. Nais kong maging manhid pero di ko kayang magawa.Bakit? Bakit ayaw nila sa akin? Bakit galit sila sa akin? Bakit nila ako nilalayuan? Isa lang akong tao, taong nagnanais ng pagmamahal at pansin. Bakit nararamdaman ko itong mga pangyayari na ito? Ito na lang lagi ang nagiging problema ko. Nasa akin ba ang problema? bakit? Marahil nasa akin nga. Hanggang kailan akong nila ako titiisin? bakit ganoon? Madalas na nagagalit ako sa aking sarili. Bakit kasi ganito ako? Bakit ganyan? Tatahimik ako, mapapatulala at mag-iisip. Mahal ko ang aking sarili ngunit ay ibang tao'y di tanggap ang isang katulad ko. Nawawalan ako ng pag-asang umunladsa buhay. Alam ko kung ano ang magiging estado ko sa buhay. Tinatapak-tapakan nila ako noon pa man at marahil, magpasahanggang kinabukasan, ganoon pa din sila. Bakit? May ginawa ba akong masama sa inyo? Bakit nyo ako minamaliit ng ganito? Masama ba akong tao? Masaya bang apihin at paglaruan ako? Ang daming tanong ang bumabagabag sapuso ko, ngunit ni isa sa mga ito, wala akong nakuhang sagot. Wala akong magawa ngayon kundi bumuntong-hininga at gumilid-gilid ang luha ko. Natatakot ako, nanghihina. Pagkikimkim.