"ISIP"

August 19, 2009

"Isip"

Hindi man ako magaling at may pagkukulang din, lahat naman tayo'y may karapatang gumawa at magsulat ng mga bagay-bagay na taing naiisip. Hindi man kasing ganda at kasing ayos tulad ng iba, ito nama'y naglalaman ng mga mensaheng may mapapala. Ang ating mga isip ang ating gingamit na intrumento sa paggawa ng isang "maestra". Iba't ibang isip at pananaw ang lumalamon sa ating mundong magulo. Gusto ko ang aking ginagawa, walang pakielam kahit ito'y ipagtabuyan, para sa'kin, lahat ng aking ginagawa'y aking minamahal. Walang taong gustong sila'y maliitin, aminin mong lahat tayo'y gustong napupuri. Kaya't ang masasabi ko lamang, kung ayaw mong gawin sa'yo ang isang bagay na ayaw mo, pwes wag mo din itong gagawin sa kapwa mo. Madaming nilalaman ang ating isipan, madami din itong pwedeng gawin. Gumagaan ang loob ko tuwing ako'y nagsusulat ng mga katulad nito. Lahat ng mga naisusulat ay pinag-iisipan at ipinamamahagi. Bawat salitang nabubuo'y nagsasama sama at nagiging isa, at ang pag iisang yon' ang nagiging salamangka para makabuo ng isang maestrang nagtataglay ng kaibahan. Nagmumula sa aking isipan, hanggang ang aking mga kamay ang sadyang gumagalaw gamit ang bolpen, naipapakita at naipaparamdam ko ang aking mga saloobin.